حكايه ورأي

من ايام بسيطه حصلت كارثه لا مش كارثه اكبر من كارثه
بالتحديد في الاسكندريه حصلت الكارثه دي
وهي مبين زوجين كانوا عايشين بسلام الحمد الله يعني مفيش لا مشاكل ولا غيره وبعد فتره الزواج بفتره كدا جلهم ضيف جديد عليهم
ومعزته غاليه علينا جدا او على الجميع يعني بصفه عامه وهو " الكمبيوتر " وطبعا الجهاز دا في البيت من غير انتر نت ملوش لازمه
فطبعا وصل النت للبيت والراجل التعبان على طول في الشغل بيرجع بالليل والمدام قاعده على الجهاز فاتحه الام اس ان والياهو ومنتديات بقا
حاجه عاديه طبعا بس لما بدات زياده القعده على الجهاز والانترنت والتنفيض بدا يشتغل حصل اللي كنت خايف منه
ايه هو
" يا مدام انتي على طول على الانترنت كدا مبقتيش تهتمي بيه ولا بحاجه مفكرتيش تساعديني وتنزلي تشتغلي همك الانترنت وبس "
طبعا هيا مسكتتش وردت عليه
فازاي كدا بقا
فالزوج قالها هاتي الباسوردات بتاعتك كلها
طبعا الزوجه قالت لا مينفعش وملكش حق تتدخل بخصوصياتي اكتر من كدا
خصوصيات ؟؟؟
هو في خصوصيات بين الراجل ومراته ؟
حد يجاوبني
وبعد مشاده شويه كدا
اللي مش متوقع حصل وهو الطلاق
الزوجه المحترمه طلبت الطلاق منه افضل ما تديله الباسوردات بتاعتها
وبقت قضيه في المحكمه ومش عارف والله حصل ايه بقا لحد دلوقتي حصل خلع ولا طلاق الله اعلم
الموضوع دا حصل بجد مش قصه ولا حاجه والبتحديد في اسكندريه


بصراحه الموضوع منقول بس انا مش نقلته غير لما عجبني مغزاه
وبعد ده كله ياتري الي اي مدي تكون خصوصيات الزوجه مع زوجها...
.والي اي مدي هيفضل النت متحكم في حياتنا
.........مستني ردودكم وارائكم

(الزوجه قالت لا مينفعش وملكش حق تتدخل بخصوصياتي )

والله دي أعلى وقاحة وكمان قلة أدب
كان الأحوط والأجدر بهذا الزوج المحترم
أن يطلقها فور سماعه هذه الكلمات اللاذعة
دون الرجوع الى المحكمة والبهدلة والكلام اللي ملهوش لزمة
ومنجبش السبب بقه في الانترنت وخلافه
الست اللي ترد على زوجها بالطريقة دي تبقى مش طيقاه وبتتلكك

(الزوجه قالت لا مينفعش وملكش حق تتدخل بخصوصياتي )


لا يا مروان مش بتتلكك ومش طيقاه
لكن هو ان دل يكون لانها بتعمل شئ غلط وحرام

وفعلا العيب مش في النت هو النت هو اللى بحركنا ولا العكس
احنا اللى بنكتب وبنعمل سيرش

وهى لو زوجة صالحة من البداية كانت استخدمت النت فى اشياء تفيد بتها واولادها
مثل منتديات الطهى والتطريز
وسماع الدروس الدينية
الديكورات
تعلم اللغات والثقافة

لكناها اختارت الشئ الحرام
خاصة انها زوجة ولا يجوز لها التكلم مع رجال من النت

الله عليكم جميعا بس يا دكتر علي
النت متحكم فيك لوحدك
فمتجبش الغلط عليه
في ناس زيي بيقعدو علي النت في ساعات العطله فقط
يعني في تحكم
شكرا ليك يا دكتره علي الموضوع السخن ده