المصرى هو

ممكن يعدي التلاتين ولسه عايش مع أمه وأبوة وماعندوهوش مشكلة



· يشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض يا ورد



· يقف يتكلم علي الباب نص ساعة بعد إنتهاء الزيارة والسلام



· لماَ تفتح نملية المطبخ هتلاقي عنده عشرين برطمان بتاع مربي فاضى بقالهم سنين ومازال مصر على جمع المزيد



· يجى بعد معاده بساعتين ويفتكر إن كدا عادى

· لسه عنده إصرار إنة يتكلم بصوت عالي فى التلفون لما تكون المكالمة دولية علشان التانى يسمعه

· بيعتبر نفسة أفضل واحد فى الشرا والفصال وبعد كده يكتشف إن الحاجة فى المحل اللى جنبة ارخص من غير فصال

· بيحتفظ بأكياس محلات البس والأحذية وورق الهدايا تحت مرتبة السرير لسنوات وما بيستخدمهاش



· عنده صنية مكسرات متقسمة لتلات او اربع أقسام لزوم المزاج وعمره ما إستخدمها

· بيشترى قبل الفطار فى رمضان مواد إستهلاكية أصلا موجود عنده فى البيت لسه ما ستخدمهاش

· بيكون عنده شواية لزوم الرحالات أقصى استخدام لها كان مرة واحدة فى العيد

· بيشيل طابع البريد من علي الظرف لو الختم ماكانش علية

· بيفكر إن أى واحد بيشتغل فى الخليج بيغرف فلوس من غير حساب

· بيكون مشغول بقيمة التيبس أو البقشيش طول العشا يا ترى ربع جنية ولا نص جنية

· برده بيتخانق ساعة دفع الحساب بحرارة شديدة على انة هو اللى لازم يدفع الحساب

· بيفرش ملاية سرير على طقم الأنترية علشان يفضل نظيف لما ييجى ضيوف ومابيشيلهاش لما ييجوا



· والأهم إنة بيحب يسخر من نفسة ومن بلده وحكامة بس مايطيقش حد تانى يسخر منهم وساعتها بيفرش له الملاية

[size=18]ميرسى فى التغير الى الاحسن ان شاء الله[/size]

موضوع جميل يابوبا
بس مش كل المصريين كده .......وياريت اللي فيهم الصفات دي يغيروا للاحسن

توبيك هايل يا بوبا

وجيبتى العادات بالظبط وياريت فعلا نغير بعضها للاحسن

شكرا لمروركم

بس الافعال دى احنا بنقوم بيها تلقائى وبدون معرفة الاسباب

شكرا بس المصرين احسن واجدع ناس على فكره حتى الى فيهم خصال وحشه احسن من غيرهم {غير المصريين} الموضوع جااااااااااااااااااااااااامد شكرا